ప్రధానమంత్రి నరేంద్ర మోదీ ముఖ్యమంత్రులతో వీడియో కాన్ఫరెన్స్ నిర్వహిస్తున్నారు. కరోనా వ్యాప్తి కట్టడి, లాక్ డౌన్ అమలు జరుగుతున్న తీరు, ఆంక్షల కొనసాగింపు, సడలింపు తదితర అంశాలపై సీఎంలతో ప్రధాని చర్చిస్తున్నారు.
లాక్ డౌన్ నేపథ్యంలో రాష్ట్రాల్లో ఉన్న పరిస్థితులను అడిగి తెలుసుకుంటోన్న ప్రధాని మోడీ, మే 3 తర్వాత అనుసరించాల్సిన వ్యూహాలపై సీఎంల అభిప్రాయాలను, సూచనలను సేకరిస్తున్నారు. దశలవారీగా లాక్ డౌన్ ఎత్తివేసే విషయంపై సీఎంలతో మాట్లాడుతున్నారు. రోజురోజుకి కరోనా కేసులు పెరుగుతున్న తీరుతో ఆందోళన చెందుతున్న అనేక రాష్ట్రాలు, ఇప్పటికే మే 3 తర్వాత కూడా లాక్ డౌన్ కొనసాగించాలని పలు రాష్ట్రాలు కోరుతున్నాయి.
