పేదల భూములే టార్గెట్ గా పావులు కదుపుతున్న అధికారి
హన్మకొండ జిల్లాలో గత కొన్నిసంవత్సరాలుగా వివిధ మండలాల్లో తహసీల్దార్ గా పని చేసిన ఈ తహసీల్దార్ ద్విపాత్రాభినయం చేస్తున్నట్లు జిల్లా వ్యాప్తంగా రెవెన్యూశాఖ లో ప్రచారం సాగుతుందట.వర్ధన్నపేట నియోజకవర్గంలోని ఓ మండలానికి ప్రస్తుతం తహసీల్దార్ గా విధులు నిర్వహిస్తున్న ఈ సారు తహసీల్దార్ గా విధులు నిర్వహిస్తూనే రియల్ ఎస్టేట్ రంగంలో బాగానే రానిస్తున్నట్లు సమాచారం.
రెవెన్యూ లోపాలను సరిదిద్దాల్సిన సదరు అధికారి రెవెన్యూ లోని కొన్ని లోపాలను ఆసరాగా చేసుకుని రియల్టర్ గా మారినట్లు గుసగుసలు వినిపిస్తున్నాయి. ఇటీవలే ఆయన పరిధిలోని ఔటర్ రింగ్ రోడ్డు ను ఆనుకొని ఉన్న ఓ గ్రామానికి చెందిన రైతు 25 సంవత్సరాలుగా మోకా మీద ఉండి వ్యవసాయం చేసుకుంటుంటే ఆ భూమి పై కన్నేసిన తహసీల్దార్ ఆ రైతు కు మాయమాటలు చెప్పి భూమి నువ్వు కొన్నది వాస్తవమే కానీ పట్టాలో నీ పేరు లేదని నీ భూమిని అమ్ముకుంటేనే మంచిదని లేదంటే పట్టాదారుకే పాస్ బుక్ చేయాల్సి ఉంటుందని నవ్వుతూ బెదిరించాడట.
అంతటితో ఆగకుండా ఆ భూమిని కొనుగోలు చేసేందుకు ఒకరున్నారని అంతా ఆయన చూసుకుంటాడాని తన బినామినే ఆ భూమి కొనేలా పావులు కదుపుతున్నాడని సమాచారం. అప్పటినుండి ఆ గ్రామంలో ఎక్కడ చూసిన, నలుగురు కలుసుకున్నా ఈ తహసీల్దార్ గురించే మాట్లాడుకుంటున్నారట.ఈ సారు గతంలో పని చేసిన ఓ మండలంలో అనేక అసైన్డ్ భూములకు సైతం పాస్ బుక్ లు ఇచ్చినట్లు తెలుస్తోంది. ప్రస్తుతం పనిచేస్తున్న మండలం లో 6 నెలల క్రితం ప్రభుత్వ నిషేధిత జాబితాలో ఉన్న ఓ గుట్టకు సైతం పాస్ బుక్ ఇచ్చినట్లు విశ్వసనీయంగా తెలిసింది. గుట్టకు పాస్ బుక్ ఇవ్వడం వెనకాల లక్షల రూపాయలు చేతులు మారినట్లు వినికిడి.
