వరంగల్ పశ్చిమ కాంగ్రెస్ లో ఆ ఇద్దరు నేతల పరిస్థితి ఉప్పు,నిప్పు లా మారిందట…ఎన్నికలు సమీపిస్తున్న నేపథ్యంలో ఆ ఇద్దరు కాంగ్రెస్ నేతలు వరంగల్ పశ్చిమ టికెట్ నా దంటే నా దంటూ బహిరంగంగానే సవాళ్లు విసురుకుంటున్నారు…ఎవరి అనుచరులను వారు వెంటేసుకొని వరంగల్ పశ్చిమ నియోజకవర్గం అంతా కలియ తిరుగుతున్నారు….వీరిలో ఓ నేత టికెట్ తనకు పక్కా అని ప్రచారం చేసుకుంటుండగా….నాకెందుకు టికెట్ రాదు నాకు ఖచ్చితంగా వస్తుంది అంటూ చివరిదాకా వేచిచూద్దాం అనే ధోరణిని అవలంబించేందుకు సిద్ధంగా ఉన్నారట….
ఇంతకీ ఎవరా నేతలు….?
వరంగల్ పశ్చిమ కాంగ్రెస్ లో నాయిని రాజేందర్ రెడ్డి,జంగా రాఘవరెడ్డి పశ్చిమ టికెట్ నాదంటే నాదంటూ ఒకరిపై ఒకరు సవాళ్లు విసురుకుంటున్నారు…తగ్గేదెలే అన్నట్లు ఇద్దరు నేతలు పశ్చిమ నియోజకవర్గంలో తమ అనుచరులతో వివిధ కార్యక్రమాల్లో పాల్గొంటున్నారు…ఇంతకీ టికెట్ ఎవరికి వస్తోందో తెలియదు కాని వీరి చర్యల వల్ల పార్టీ క్యాడర్ లో కొంత అయోమయం నెలకొందన్న వాదన మాత్రం నిజం…కాంగ్రెస్ ఫస్ట్ జాబితా అంటూ సోషల్ మీడియాలో చక్కర్లు కొడుతున్న జాబితాలో నాయిని రాజేందర్ రెడ్డి పేరు ఉండగా నాయిని తనకు దాదాపు టికెట్ ఖరారు ఐయినట్లేనని తనపని తాను చేసుకుపోతుండగా…అప్పుడే ఏమైయింది టికెట్ తనకే పక్కా అంటూ జంగా సైతం పశ్చిమ నియజకవర్గంలో పాగా వేసి వివిధ కార్యక్రమాలు నిర్వహిస్తున్నారు….ప్రస్తుతం వరంగల్ పశ్చిమ లో పరిస్థితి నాయిని వర్సెస్ జంగా గా మారగా ఒకరిని మించి ఇంకొకరు టికెట్ కోసం తీవ్రంగానే పోటీ పడుతున్నారు…. కాగా ప్రధానంగా వరంగల్ పశ్చిమ పైనే దృష్టి కేంద్రీకరించినట్లు కనపడుతున్న జంగా రాఘవరెడ్డి గతంలో అధిష్టానం తనను హెచ్చరించిన తన విధానంలో ఏమాత్రం మార్పు రాలేదని కొందరు పశ్చిమ కాంగ్రెస్ నాయకులు అంటుండగా,ఎవరెన్ని ప్రయత్నాలు చేసినా టికెట్ తనకే వస్తుందనే ధీమాలో నాయిని రాజేందర్ రెడ్డి ఉన్నట్లు తెలుస్తుంది…గతంలో ఈ నియోజకవర్గం నుంచి పోటీలో ఉన్న ఎర్రబెల్లి స్వర్ణ ఇప్పుడు వరంగల్ జిల్లా కాంగ్రెస్ పార్టీ అధ్యక్షురాలిగా కొనసాగుతుండగా పశ్చిమ నుంచి స్వర్ణ టికెట్ ఆశించే అవకాశం ఏమాత్రం లేదు కనుక ఇప్పుడు వరంగల్ పశ్చిమ టికెట్ పోటీ జంగా ,నాయిని మద్యే ఉంది గతంలో పలుసార్లు టికెట్ ఆశించి భంగపడ్డ నాయిని కి ఈసారి అధిష్టానం టికెట్ తప్పక ఇస్తుందని ఆయన అనుచరులు అంటున్నారు….కాగా వరంగల్ పశ్చిమ నియోజకవర్గం నుంచి విశ్వప్రయత్నం చేస్తున్న జంగా రాఘవరెడ్డి అధిష్టానం తనకే టికెట్ ఇస్తుందనే నమ్మకంతో ఉన్నారట….ఇంతకి వరంగల్ పశ్చిమ కాంగ్రెస్ లో పై చెయ్యి ఎవరిదనేది కొద్దిరోజుల్లోనే తెలనుందని కాంగ్రెస్ శ్రేణులు భావిస్తున్నారు….
